Dövlət Sərhəd Xidmətinin Akademiyasına qəbul elan edilib

Azərbaycan Dövlət Sərhəd Xidmətinin (DSX) Akademiyasına qəbul elan edilib. Bu barədə 6 yanvar tarixində qurumun səhifəsində məlumat verilib.

Məlumatda bildirilir ki, qəbul “Sərhəd təhlükəsizliyi və idarəetmə” və “Dəniz naviqasiyası mühəndisliyi” ali təhsil ixtisasları üzrə aparılacaq. Nami­zədlər üçün Dövlət İmtahan Mərkəzi tərəfindən müəyyən edilən 1-ci ixtisas qrupu üçün nəzərdə tutulan ümumtəhsil fənlərindən test vasitəsi ilə qəbul imtahanları keçiriləcək.

Müraciət etmək istəyən kişilər üçün bir necə sənəd tələb olunur:

• ərizə;


• anket;


• tərcümeyi-hal;


• özünün və yaxın qohumlarının şəxsiyyət vəsiqələrinin surətləri;


• attestatın notariat orqanları tərəfindən təs­diq edilmiş surəti və ya attestat alınanadək namizədin orta məktəbin 11-ci sinfində oxuması haqqında arayış;


• orta-ixtisas təhsili haqqında sənədin notariat orqanları tərəfindən təs­diq edilmiş surəti;


• yaşayış yerindən arayış;


• doğum haqqında şəhadətnamənin surəti;


• valideynlərin nikah haqqında şəhadətnaməsinin surəti;


• 4 ədəd rəngli fotoşəkil (baş geyimsiz, qırmızı fonda, 3x4 sm ölçüdə).

Bundan əlavə bildirilib ki, müraciət edən şəxslər tam orta və ya orta-ixtisas təhsilinə malik, fiziki cəhətdən sağlam olmalıdırlar.

Sənədlər Dövlət Sərhəd Xidmətinin Akademiyasına və ya DSX-nın yaxın­lıqda yerləşən hərbi hissələrinin kadrlar bölmələ­rinə təqdim olunmalıdır.