Dövlət Məşğulluq Agentliyi daha 11 peşə hazırlığı kursuna start verib. Bu barədə 22 aprel tarixində Agentlik məlumat verib.
Məlumata əsasən, ümumilikdə 152 müdavimin cəlb olunduğu kurslar qənnadıçı, şirniyyatçı, alətçi – çilingər, dayə, mobil telefonların təmiri ustası, minaaxtaran və bağban sahələri üzrədir.
Bildirilib ki, keçirilən kurslarda müdavimlərə SOCAR, Bakı Tikiş Evi, Bakı Tekstil Fabriki MMC, "Azza” Cake House, Agrar Co, Qaya Safety Solutions, Anadolu Şirniyyat Evi və Cyber Security Lab şirkətlər tərəfindən müvafiq sahələr üzrə təcrübə keçmələri üçün şərait yaradılacaq.
Qeyd olunub ki, peşə hazırlığı müddətində müdavimlərə minimum aylıq əməkhaqqı məbləğində aylıq təqaüd ödənilir.
