Azərbaycanda daha bir qadın məişət zorakılığının qurbanı olub. Bakıda ər 24 yaşlı həyat yoldaşını qətlə yetirib. Bu haqda Baş Prokurorluq məlumat yayıb.
Hadisə noyabrın 10-u saat 17 radələrində Pirallahı qəsəbəsində qeydə alınıb. Əsgər Musayev həyat yoldaşı ilə aralarında yaranmış mübahisə zamanı onun boğazını kəsərək öldürüb.
Faktla bağlı cinayət işi başlanıb.
Bu ilin yanvar-iyun ayları ərzində 821 nəfər məişət zorakılığına məruz qalıb. Baş Prokurorluğun məlumatına əsasən, müvafiq dövrdə qeydə alınmış adam öldürmə cinayətləri nəticəsində 33 qadın qətlə yetirilib.
Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
