Bakıda tanışı ilə əlbir olaraq dayısı oğlunu girov götürüb pul tələb edən şəxsə hökm oxunub. Noyabrın 17-də məhkəmənin qərarı ilə təqsirləndirilən şəxslər hər biri 15 il müddətinə azadlıqdan məhrum edilib.
İttihama əsasən, 2021-ci ilin 8 iyun tarixində saxlanılan şəxs tanışı ilə birgə əvvəlcədən plan quraraq qohumunu Ramana qəsəbəsində kirayə tutduğu evə dəvət edib. Onlar yeyib-içdikdən sonra qonağın əl-ayağını bağlayaraq şəklini çəkiblər. Daha sonra şəkli zərərçəkmişin atasına göndərərək ondan oğlunun azad edilməsinə görə 500 min dollar tələb ediblər.
Saxlanılan şəxslər “qabaqcadan əlbir olan bir qrup şəxs tərəfindən qanunsuz azadlıqdan məhrum etmə” və “xüsusilə külli miqdarda əmlak əldə etmək məqsədilə hədə-qorxu ilə tələb etmə” maddələri ilə ittiham ediliblər.
