Azərbaycana 2021-ci ildə 790 mindən çox turist səfər edib. Bu, 2020-ci illə müqayisədə 1%, 2019-cu illə müqayisədə isə 75% azdır. Bu haqda yanvarın 12-də Dövlət Turizm Agentliyinə istinadən Report xəbər verib.
Ötən ilin dekabr ayında ölkəmizə 98 minə yaxın turist gəlib. 2020-ci ilə nisbətən bu göstərici 2,5 dəfə çoxalıb, 2019-cu ilə nisbətən is 60% azalıb.
Həmçinin məlumatda qeyd edilib ki, ötən ay Azərbaycana əsasən 15 ölkənin vətəndaşları səfər edib. Bu ölkələr arasında ilk üç yeri Rusiya, Türkiyə və İran tutub. Siyahıda Birləşmiş Ərəb Əmirliklərinin, Gürcüstanın, Səudiyyə Ərəbistanının, Hindistanın və Ukraynanın adları da sadalanıb.
