Son 15 gün ərzində keçirilən əməliyyatlar zamanı narkotik maddələrin dövriyyəsi ilə məşğul olan 40 nəfər saxlanılıb.Bu haqda aprelin 21-də Daxili İşlər Nazirliyi məlumat yayıb.
Əməliyyatlar Bakı şəhərində, Lənkəran, Quba, Abşeron, Bərdə, Gəncə, Salyan, Cəlilabad rayonlarında həyata keçirilib. Ümumilikdə 60 kiloqram narkotik vasitə və psixotrop maddə, 2 548 ədəd psixotrop tərkibli həb, 1 tüfəng və 46 patron aşkar olunub.
Narkotacirlər narkotiklərin satışını təşkil etməklə yanaşı, niyyətlərinin sosial şəbəkələrdə daha çox gənci narkokuryerliyə cəlb etmək olduğunu bildiriblər.
Faktlarla bağlı cinayət işləri başlanılıb. Həmin şəxslərin hər biri barəsində həbs qətimkan tədbirləri seçilib.
