Kliniki ölüm keçirən ananın vəziyyəti ağırdır.
Tibbi Ərazi Bölmələrini İdarəetmə Birliyindən (TƏBİB) İnsanoid.com-a verilən məlumata görə, bu gün 10:30 radələrində 2004-cü il təvəllüdlü şəxs hamiləliyin 41-ci həftəsinin doğuş sancıları ilə Ağdam Rayon Mərkəzi Xəstəxanasının
Ginekologiya və doğum şöbəsinə hospitalizasiya olunub:
“Ona təkdöllü spontan doğuş, hamiləliyin sonunda dölbaşının tibbi yardım göstərilməsini tələb edən yüksək duruşu, döl qişalarının vaxtından əvvəl cırılması diaqnozları təyin olunub.
Müraciət zamanı qadının səhhətinin ağırlaşması səbəbindən saat 11:10 radələrində Cərrahiyyə blokuna yerləşdirilib. Zəruri instrumental-diaqnostik müayinələrə baxmayaraq, vətəndaşın kliniki ölüm halı qeydə alınıb. Həkimlərin çoxsaylı müdaxiləsi sayəsində qadının həyatı xilas edilib. Hazırda müvafiq şöbədə müalicəsi davam etdirilir, vəziyyəti ağır qiymətləndirilir. Ölü doğulan körpənin meyiti təşrih olunması üçün aidiyyəti üzrə təhvil verilib”.
Nəzrin Vahid
12:34
Ağdamda doğuş zamanı ana kliniki ölüm keçirib.
İnsanoid.com-un əldə etdiyi məlumata görə, hadisə ötən gün Ağdam Mərkəzi Rayon Xəstəxanasının əməliyyat şöbəsində baş verib.
Doğuş üçün əməliyyat otağına aparılan 2004-cü il təvəllüdlü Fatimə Yusifovanın anidən halı pisləşib və əməliyyat masasında keçinib.
Həkimlərin səyi nəticəsində 21 yaşlı ananı son anda həyatını xilas etmək mümkün olub. Döl isə tələf olub.
Faktla bağlı araşdırma aparılır.
Nəzrin Vahid
