Dünən, 18 noyabr tarixində “Dubai Expo 2020”dəki Azərbaycan pavilyonunda Milli Gün qeyd edilib. Bu haqda Report məlumat verib.
Tədbirdə Birləşmiş Ərəb Əmirliklərindən olan şirkətlər işğaldan azad olunan ərazilərdə bərpa-quruculuq, o cümlədən tarixi-mədəni abidələrin bərpası istiqamətində işlərdə iştiraka dəvət edilib.
Ölkəmiz sərgidə “Gələcəyin toxumları” mövzusu ilə çıxış edir.
Gün ərzində 10 mindən çox ziyarətçisi olan milli pavilyonda Azərbaycanın tarixi, coğrafiyası, mədəniyyəti, müasir incəsənəti və digər mövzularda videoçarxlar təqdim edilir.
Pavilyonun landşaftı “Xarıbülbül” və “Ceyranlar” silsiləsindən heykəltaraşlıq əsərləri ilə bəzədilib.
Sözügedən sərgi 1 oktyabr tarixindən başlayıb və 2022-ci ilin 31 mart tarixinədək davam edəcək.
