Alexandra Mollenhauer 2024-cü ildə Parisdə keçirilən Olimpiya Oyunlarında mübarizə apararaq Azərbaycan idman tarixinə daxil olan 3x3 basketbol üzrə Azərbaycan yığmasının üzvüdür. Azərbaycan yığması ilk dəfə olaraq, Olimpiadada komanda idman növləri üzrə təmsil olunub.
Millimizin basketbolçusu 1news.az-ın bir neçə sualını cavablandırıb.
Hazırda Olimpiya Oyunlarını necə xatırlayırsınız?
- Olimpiya Oyunlarında iştirak etmək imkanına görə çox minnətdaram. Azərbaycanın tarixinə düşmək və ölkəmiz üçün tarix yazmaq çox gözəl idi. Biz bu formanı böyük qürurla geyinirik. Düşünürəm ki, komanda mübarizə qabiliyyətini göztərib. Bizim, əlbəttə, hələ çox işimiz var.
- Sizin üçün Olimpiya Oyunlarında çıxış etməyiniz və Azərbaycan millisində çıxış etməyiniz nə deməkdir?
- Olimpiya Oyunlarında Azərbaycanın yığmasında oynamaq mənim üçün böyük qürurdur. Azərbaycanda doğulmamışam, lakin 5 yaşımdan burada yaşamışam. Bura mənim evimdir. Bakıya gəlmək və hər dəfə millinin formasını geyinmək mənim üçün özəldir.
Bu fürsətə görə federasiyamıza və ölkəmizə minnətdaram.
- Klassik basketbola qayıtmaq fikriniz var?
- Bəli, İspaniya liqasına qayıdacağam və karyeramı “Ensino Lugo” klubunda davam etdirəcəm.
