Bugün, noyabrın 11-də Azərbaycan yığma komandası 2022-ci ildə keçiriləcək futbol üzrə Dünya Çempionatının seçmə mərhələsində son oyununa çıxacaq.
Yığmanın rəqibi Lüksemburq komandası olacaq. Oyun Bakı vaxtı ilə saat 21:00-da Bakı Olimpiya Stadionunda keçiriləcək. Qarşılaşmanın baş hakimi avstriyalı Manuel Şüttenqruber olacaq. A qrupunun digər oyununda İrlandiya Portuqaliyanı qəbul edəcək.
Qeyd edək ki, qrupda 7 oyun keçirən De Byazinin yetirmələrinin hesabında 1 xal var və yığma qrupda sonuncu yerdə qərarlaşıb. Qrupda 1-ci yeri 17 xal toplayan Serbiya yığması tutur. 1 oyun az keçirən Portuqaliyanın hesabında 16 xal var.
