Ötən sutka Azərbaycanda 49 yanğın baş verib. Bu barədə martın 10-da Fövqəladə Hallar Nazirliyindən (FHN) məlumat verilib.
2 köməksiz vəziyyətdə qalma və 1 intihara cəhd faktı üzrə xilasetmə əməliyyatları həyata keçirilib. Görülmüş tədbirlər nəticəsində yanğınların söndürülməsi təmin edilib.
Ümumilikdə, FHN-in qüvvələri tərəfindən ötən sutka ərzində 3 nəfər, o cümlədən Bakının Nərimanov rayonunda körpüyə çıxaraq intihara cəhd edən 1 nəfər xilas olunub.
Yanğın zamanı 5 nəfər təhlükəsiz əraziyə təxliyə edilib, 1 nəfər yanıq xəsarəti alıb. Həmçinin, paytaxtın Nəsimi rayonunda bir nəfərin meyiti yanğınsöndürənlər tərəfindən aşkar edilərək aidiyyəti üzrə təhvil verilib.
