2022-ci ildə Azərbaycanda orta illik inflyasiya 11,7% təşkil edəcək. Bu barədə 29 aprel tarixində “Fitch” reytinq agentliyinin dərc etdiyi hesabatında deyilir.
Məlumata əsasən, Rusiya ilə Ukrayna arasında olan gərginlik və həmin ölkələrdən məhsul idxalının,xüsusən də, buğda idxalının azalması inflyasiyaya öz təsirini göstərəcək. Proqnozlara əsasən, 2023-cü ildə inflyasiya 7,2% təşkil edəcək.
Həmçinin qeyd olunub ki, cari ildə ölkənin ümumi daxili məhsulundakı (ÜDM) artım 3,6% olacaq. Təbii qaz hasilatının artması neft hasilatının tədricən azalmasını qismən kompensasiya etdiyindən 2023-cü ildə ölkənin iqtisadi artımı 2% olacaq.
