Azərbaycanda 2022-ci ilin 1 yanvar tarixindən minimum aylıq əməkhaqqı 300 manat təşkil edəcək. Bu barədə dekabrın 17-də Prezident İlham Əliyev Sərəncam imzalayıb.
Məlumata əsasən, minimum əməkhaqqı artımı 800 min nəfərə şamil olunacaq. Artımın 50%-i dövlət sektoruna, 50%-i isə özəl sektora aid olacaq.
Bunun üçün illik əlavə maliyyə xərci 460 milyon manat təşkil edəcək.
Daha öncə minimum əməkhaqqı 2019-cu ilin sentyabrında 180 manatdan 250 manata qaldırılıb. Son üç ildə Azərbaycanda minimum aylıq əməkhaqqı 2,3 dəfə artırılaraq 130 manatdan 300 manata çatdırılıb.
