Gəncədə bacısını bıçaqlayan şəxsin cinayət işi üzrə ibtidai istintaq başa çatıb və iş baxılması üçün Gəncə Ağır Cinayətlər Məhkəməsinə göndərilib. Bu haqda 22 dekabrda Report məlumat verib.
Hadisə 2021-ci ilin avqust ayında Gəncənin "Avtozavod" adlanan ərazisində baş verib. 33 yaşlı şəxs 29 yaşlı bacısına 3 bıçaq zərbəsi vurub. Zərərçəkən xəstəxanaya yerləşdirilib və həyatını xilas etmək mümkün olub. Faktla bağlı “qəsdən sağlamlığa ağır zərər vurma” maddəsi ilə cinayət işi başlanılıb.
Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
