2022-ci ilin əvvəlindən Gəncədə 45 kiloqramdan çox narkotik dövriyyədən çıxarılıb. Bu barədə martın 18-də Daxili İşlər Nazirliyinə istinadən APA məlumat verib.
Ümumilikdə narkotik dövriyyəsi ilə bağlı 67 fakt aşkarlanıb. Qeyri-qanuni yolla ölkə ərazisinə qadağan olunmuş maddələri gətirən narkokuryerlər saxlanaraq cinayət məsuliyyətinə cəlb ediliblər.
2021-ci ildə Azərbaycanda 31 mindən çox cinayət hadisəsi qeydə alınıb. Onlardan 8571-i narkotik vasitələrin və psixotrop maddələrin qanunsuz dövriyyəsi ilə əlaqədar olub. Bu, 2020-ci ilin göstəricisindən 1,6 dəfə çoxdur.
