Dövlət Məşğulluq Agentliyi daha 130 işsiz şəxsi peşə hazırlığına cəlb edib. Bu haqda aprelin 5-də Agentlikdən məlumat verilib.
Gəncə Peşə Hazırlığı Mərkəzində təşkil edilən kurslarda qeydiyyatçı, satıcı, nəzarətçi-xəzinədar, çilingər, aşpaz kimi peşələr üzrə tədris həyata keçirilir. Tədris müddətində müdavimlərə minimum əməkhaqqı məbləğində təqaüdlər də ödənilir.
İmtahanlardan müvəffəqiyyətlə keçən şəxslərə sertifikat veriləcək və onlar işlə təmin olunacaqlar.
Qeyd edək ki, Dövlət Məşğulluq Agentliyinin Bakı, Gəncə və Göyçayda peşə hazırlığı mərkəzləri fəaliyyət göstərir. Peşə hazırlığına müraciət etmək istəyən vətəndaşlar link vasitəsilə qeydiyyatdan keçə bilərlər.
