Mənzil İnşaatı Dövlət Agentliyinin Gəncə Yaşayış Kompleksi üzrə satışa çıxardığı 188 mənzildən 184-ü alınıb. Bu barədə 9 mart tarixində Agentliyin saytında məlumat verilib.
Məlumatda bildirilib ki, satılan evlərdən 5-i vətəndaşların öz vəsaiti hesabına, 179-u isə güzəştli ipoteka krediti hesabına əldə edilib. Mənzil alanların 46-sı müəllim, 72-si hərbi qulluqçu, 5-i məcburi köçkün və ona bərabər tutulan şəxs, 61-i digər kateqoriyalardan olan şəxslərdir.
Qeyd olunub ki, mənzil əldə edənlər arasında 22-35 yaş arası olan şəxslər üstünlük təşkil edir.
