Gəncədə antisanitar şəraitdə fəaliyyət göstərən qənd sexi yanvarın 7-də bağlanılıb. Bu barədə Qida Təhlükəsizliyi Agentliyi məlumat verib.
Gəncə şəhəri, 38-ci Hərbi şəhərcik ünvanında yerləşən sexin qida təhlükəsizliyi qeydiyyatından keçmədən, müvafiq sahədə normativ hüquqi aktların və sanitariya-gigiyena qaydalarının tələblərinə riayət olunmadan fəaliyyət göstərdiyi müəyyən edilib.
Məlumata əsasən, məhsulların qablaşdırılmasında istehsal tarixi düzgün qeyd edilməyib, habelə etiket məlumatında istehsalçı və məhsulun tərkibi haqqında dolğun məlumat verilməyib.
Faktlarla bağlı müəssisənin fəaliyyəti dayandırılıb, sahibkar barəsində isə protokol tərtib edilib.
