Dekabrın 16-sı saat 11:00 radələrində Bakının Bayıl qəsəbəsində yerləşən “İndigo” MMC-yə məxsus mətbəədə operator vəzifəsində çalışan 28 yaşlı şəxs iş yerində ölüb. Bu barədə Səbail rayon prokurorluğu məlumat verib.
Məlumata əsasən, gənc oğlan mətbəədə kağızları kəsən avadanlıqla işləyərkən hidravlik pressin arasında qalıb və nəticədə aldığı xəsarətlərdən hadisə yerində dünyasını dəyişib. O, avadanlığın içində qalan kağızları çıxarmaq üçün baş və əl nahiyəsini avadanlığın içinə salmışdır.
Faktla bağlı “əmək mühafizəsi qaydalarını pozma ehtiyatsızlıqdan insan ölümünə səbəb olduqda” maddəsi ilə cinayət işi başlanılıb.
Dünyasını dəyişmiş şəxs Vətəndaş Həmrəyliyi Partiyasının Cəbrayıl rayon təşkilatının üzvü olub.
