Gənc qızı öldürməkdə təqsirləndirilən şəxsə Gəncə Ağır Cinayətlər Məhkəməsində hökm oxunub. Hökmə əsasən, o, 12 il 6 ay müddətinə azadlıqdan məhrum edilib. Bu haqda yanvarın 13-də Report məlumat paylaşıb.
Hadisə 2021-ci ilin 19 fevral tarixində Gəncə şəhərində baş verib. Daha öncə 19 yaşlı qızın itkin düşməsi ilə bağlı polisə müraciət olunub. Nəticədə onun 20 yaşlı tanışı tərəfindən qətlə yetirildiyi müəyyənləşdirilib.
Saxlanılan şəxs əvvəlcə öz avtomobilində qısqanclıq zəminində aralarında yaranan mübahisə zamanı onu boğaraq öldürüb. Daha sonra isə o, cəsədi Gəncə şəhərinin Avtozavod qəsəbəsində məişət tullantılarının atıldığı əraziyə atıb.
Faktla bağlı “qəsdən adam öldürmə” maddəsi ilə cinayət işi başlanılıb.
