Dövlət Əmək Müfəttişliyi Xidməti işəgötürənlərə minimum əməkhaqqı ilə bağlı müraciət edib. Bu məlumat 21 dekabr tarixində Əmək və Əhalinin Sosial Müdafiəsi Nazirliyinin saytında paylaşılıb.
Məlumatda bildirilib ki, iş yerlərində əməkhaqqının minimum məbləği yanvarın 1-dən 300 manatdan az ola bilməz. Belə ki, göstərilmiş tarixə kimi minimum əməkhaqqından aşağı əməkhaqqı qeyd edilmiş əmək müqavilələrinə dəyişiklik edilməli və bu dəyişiklik “Əmək müqaviləsi bildirişi” altsisteminə daxil edilməlidir.
İşçiyə minimum əməkhaqqından aşağı məbləğdə əməkhaqqı verilməsinə görə vəzifəli şəxslərin 1000 manatdan 1500 manatadək məbləğdə cərimə edilməsi nəzərdə tutulur.
Minimum əməkhaqqının məbləğinin artırılması ilə bağlı 17 dekabr 2021-ci il tarixində Prezidenti İlham Əliyev tərəfindən Sərəncam imzalanmışdır.
