Gəncədə yaşayış binasını ilanlar bürüyüb. İnsanoid Gencexeber.az-a istinadən xəbər verir ki, sözügedən vəziyyət Gəncə şəhəri 38 saylı hərbi şəhərcikdə müşahidə olunur.
Sakinlərinin sözlərinə görə, onların yaşadığı 388 saylı çoxmənzilli tikilinin çardağında ilanlar yuva qurub. Onları təşvişə salan əsas məsələ isə sürünənlərin mənzillərə daxil olmasıdır:
“Bu yaxınlarda binanın 3-cü mərtəbəsindəki mənzillərdən birinin hamam otağında gürzə öldürülüb. Biz bu vəziyyətdən çox narahatıq. Çünki mənzillərdə uşaqlar var və onlar çox qorxurlar. İki il bundan əvvəl “Kəpəz” televiziyasına üz tutduq. Onlar hadisəni çəkib işıqlandırdılar. Lakin, aidiyyəti qurumlar lazımi tədbirlər görmədi. Yenidən sizə müraciət edərək məsələnin tez bir zamanda həll olunmasını istəyirik. Çünki həyatımız təhlükə altındadır”.
