Bakı-Qazax magistral yolunun Gəncə şəhərindən keçən hissəsində avtomobillərin hərəkətində çətinlik yaranıb. Bu barədə 29 iyul tarixində Report məlumat verib.
Buna magistral yolun Gəncə şəhərinin Şərq çıxışındakı körpünün altından keçən hissəsinə yağış sularının dolması səbəb olub, hətta nəqliyyat vasitələrindən biri suyun əhatəsində qalıb.
Sürücülər alternativ yoldan istifadə etməklə yollarına davam edirlər.
Qeyd edək ki, bölgədə günlərdir yağışlı hava şəraiti müşahidə olunur.
