Sentyabrın 18-19-da polis əməkdaşları tərəfindən ölkə ərazisində 8 nəfər aktiv koronavirus xəstəsi ictimai yerlərdə saxlanılıb. Bu barədə DİN məlumat verib.
Polis onlarla izahedici söhbətlər aparıb, tibbi prosedurları gözləməklə yaşadıqları evə qaytarıb. Hadisə barədə səhiyyə qurumları məlumatlandırılıb.
Saxlanılan şəxslərdən biri barəsidə “epidemiya əleyhinə və karantin rejimlərinin pozulması” maddəsi ilə cinayət işi açılıb.
İstintaq araşdırmaları davam edir.
Azərbaycanda indiyədək ümumilikdə 472 719 nəfər COVID-19-a yoluxub. Onlardan 434 095 nəfər müalicə olunaraq sağalıb, 6 305 nəfər isə vəfat edib.
