Şəhid ailələri və müharibə əlilləri üçün Əmək və Əhalinin Sosial Müdafiəsi Nazirliyi tərəfindən 500 fərdi ev inşa etdirilir. Bu haqda 7 yanvarda Nazirliyin saytında məlumat verilib.
Həmçinin yaxın zamanlarda Şəmkirdə Uşaq Bərpa Mərkəzi, Şamaxıda Psixonevroloji sosial xidmət müəssisəsi əsaslı təmir və yenidənqurmadan sonra istifadəyə veriləcək.
Eyni zamanda, Masallı rayonunda Uşaq Reabilitasiya Mərkəzinin, Lənkəran və Xaçmaz rayonlarında sağlamlıq imkanları məhdud uşaqlar üçün sanator kurort tipli reabilitasiya müəssisələrinin açılması planlaşdırılır.
Bunlarla yanaşı Quba, Sumqayıt, Gəncə, Sabirabad və Masallıda DOST Mərkəzlərinin açılması üçün hazırlıq işləri aparılır.
