Azərbaycanda fəaliyyət göstərən hotellərdə qiymətlərin bahalaşması müşahidə olunur. Bu haqda Azərbaycan Hotellər və Restoranlar Assosiasiyasının İdarə Heyətinin sədri Samir Dübəndi 29 noyabr tarixində Trend-ə açıqlama verib.
“Bir tərəfdən qarşıdan Yeni il bayramı gəlir və bu səbəbdən ölkəyə səfər edənlərin sayı artır. Digər tərəfdən xaricə çıxışlar bahalaşdığı üçün yerli turistlər də ölkə daxilində istirahətə üstünlük verir. Şəhər əhalisi əsasən regionlara üz tutur”, - deyə Samir Dübəndi bildirib.
Həmçinin o əlavə edib ki, bayram ərəfəsində qiymətlərin artması sektorda ənənəvi haldır, lakin qiymətlər ötən illərlə müqayisədə aşağıdır.
Dövlət Statistika Komitəsinin məlumatına əsasən, 2020-ci ildə Azərbaycana gələn əcnəbilərin və vətəndaşlığı olmayan şəxslərin sayı 795 min nəfərdən çox təşkil edib.
