Azərbaycan qrosmeysteri Şəhriyar Məmmədyarov “Titled Tuesday Blitz” turnirinin növbəti mərhələsinin qalibi olub. 11 turdan 10 xal toplayan şahmatçımız bütün rəqiblərini geridə qoyub.
Turnir ərzində Məmmədyarov doqquz qələbə qazanıb, iki oyunda isə heç-heçə edib. Peru şahmatçısı Xose Martinez Məmmədyarovdan yarım xal, amerikalı Hikaru Nakamura bir xal geridə qalıblar. Qeyd edək ki, Nakamura dünyanın ən yaxşı şahmatçılarından biri hesab edilir.
“Titled Tuesday Blitz” onlayn turniri ənənəvi olaraq həftənin hər çərşənbə axşamı günü keçirilirdi. Yarışda 500-ə yaxın şahmatçı iştirak edib.
