I Qarabağ müharibəsi əlillərinə birdəfəlik ödəniş ediləcək

I Qarabağ müharibəsində əlil olan hərbçilərə, daxili işlər orqanlarının əməkdaşlarına və ya onların vərəsələrinə birdəfəlik ödəmə veriləcək. Bununla bağlı dekabrın 23-də Prezident İlham Əliyev fərman imzalayıb.

Ödəmələrin məbləği aşağıdakı kimidir:

I dərəcə əlilliyə görə – 8800 manat;

II dərəcə əlilliyə görə – 6600 manat;

III dərəcə əlilliyə görə – 4400 manat.

Birdəfəlik ödəmə 17-20 min şəxsi əhatə edəcək. Bunun üçün cari ilin dövlət büdcəsindən ilkin olaraq 50 milyon manat vəsait ayrılıb. Ödənişlər nağdsız qaydada müvafiq şəxslərin bank hesabına köçürüləcək.

Bu, sığorta ödənişi almış və bununla bağlı məhkəmə aktı olan hərbi qulluqçulara, daxili işlər orqanlarının əməkdaşlarına və ya onların vərəsələrinə şamil edilməyəcək.

Oxşar proqram 2019-2020 illərdə də icra edilmişdir. Müharibədə həlak olmuş, itkin düşdüyünə görə ölmüş elan edilmiş hərbçilərin vərəsələrinə birdəfəlik ödəmə verilməsi haqda fərmanlar imzalanmışdır. 12,3 minə yaxın şəhidin 18 mindən çox vərəsəsi 11 manat məbləğində birdəfəlik ödəmə ilə təmin olunmuşdur.