Ölkədə 2021-ci il üzrə 95 nəfər insan alveri qurbanı qeydə alınıb. Bu barədə aprelin 28-də Azərbaycanın İnsan alverinə qarşı mübarizə üzrə Milli Koordinatoru hesabat paylaşıb.
Onlardan 5-i 18-25, 59-u 25-35, 31-i isə 35 yaşdan yuxarıdır. İnsan alveri qurbanlarının 92,8%-i qadın, 7,2%-i isə kişidir.
Həmçinin onlardan 74-ü Türkiyə, 12-si Rusiya, 7-si İran, 1-i Birləşmiş Ərəb Əmirlikləri, 1-i isə Azərbaycanda istismara məruz qalıb.
Daha öncə, 2020-ci ildə 94 şəxs insan alveri qurbanı müəyyən edilib.
Sözügedən məsələ aprelin 29-da Milli Məclisdə müzakirəyə çıxarılacaq.
