Nazir İnam Kərimov Kənd Təsərrüfatı Nazirlərinin 14-cü Berlin Konfransında iştirak edib. Bu barədə 28 yanvar tarxində Kənd Təsərrüfatı Nazirliyi məlumat verib.
Keçirilən beynəlxalq tədbirdə 64-dən çox ölkənin rəsmiləri – beynəlxalq təşkilatların rəhbər şəxsləri iştirak edib.
Konfransda çıxış edən kənd təsərrüfatı naziri İnam Kərimov bildirib ki, son 19 ildə bütün dünyada kənd təsərrüfatı təyinatlı torpaqların sahəsinin 3% azalmasına baxmayaraq, bu müddətdə məhsul istehsalı 53% çoxalıb. Onun sözlərinə görə, rəqəmsallaşmış kənd təsərrüfatı məhdud resurslardan səmərəli istifadəni təmin edir.
O, həmçinin bildirib ki, Azərbaycanda torpaq və su resurslarından düzgün və səmərəli istifadə, yeni suvarma texnologiyalarının geniş tətbiqi ilə bağlı tədbirlər həyata keçirilir.
Təşkil olunan konfransın məqsədi torpaqların mühafizəsi, torpaq çirklənməsinin qarşısının alınması və su resurslarının səmərəli istifadəsini təmin etməkdir.
