Bakıda iki nəfəri bıçaqlamaqda təqsirləndirilən 32 yaşlı şəxsin məhkəməsi başlayır. Bu barədə dekabrın 16-da Report məlumat paylaşıb.
Cinayət işi baxılması üçün Bakı Ağır Cinayətlər Məhkəməsinə göndərilib.
Hadisə 2021-ci ilin 15 iyun tarixində Nərimanov rayonunun Ağa Nemətulla və Fətəli Xan Xoyski küçələrinin kəsişməsində baş verib.
Məlumata əsasən, köşkdə çalışan 26 və 29 yaşlı qardaşlar naməlum şəxslərin hücumuna məruz qalıblar. Nəticədə biri ağız boşluğu, bilək, qarın və ayaq nahiyələrinə 4 bıçaq, digəri isə 5 bıçaq zərbəsi alıb.
Onlar xəstəxanaya yerləşdiriliblər.
Cinayətdə şübhəli bilinən şəxs barəsində “qəsdən sağlamlığa ağır zərər vurma” maddəsi ilə ittiham irəli sürülüb.
