Lənkəran şəhərində sakin Azərişıq əməkdaşının maşınına benzin tökərək yandırıb. Bu haqda dekabrın 9-da “Qafqazinfo” məlumat yayıb.
Şəhər sakini evinə qanunsuz əlavə elektrik xətti çəkib. Azərişıq əməkdaşı da həmin xətti kəsərək bununla bağlı akt tərtib edib. Bu əməldən əsəbləşən şəhər sakini qurum əməkdaşının “VAZ 21015” markalı avtomobilinin üzərinə benzin tökərək yandırıb. Hadisə yerinə cəlb olunan yanğınsöndürənlər maşını söndürüblər.
Faktla bağlı Lənkəran Şəhər Polis Şöbəsində araşdırma aparılır: “Araşdırmanın nəticəsindən asılı olaraq məsələyə hüquqi qiymət veriləcək".
