Lənkəranda narkotiklərin qanunsuz dövriyyəsi ilə məşğul olan və oğurluq edən 16 nəfər saxlanılıb. Bu barədə aprelin 26-da Daxili İşlər Nazirliyindən məlumat verilib.
Belə ki, Ələt-Astara Magistral yolunun Lənkərandan keçən hissəsindən məlumatverici lövhə, metal mühafizə çəpəri, xəstəxanadan isə 1 200 manat dəyərində metal məhəccərlər oğurlanıb. Hadisəni törətməkdə şübhəli bilinən iki nəfər tutulub. Hər iki şəxsdən heroin aşkarlanaraq götürülüb.
Narkotiklərin qanunsuz dövriyyəsində şübhəli bilinən 14 nəfər rayon sakini saxlanılıb. Həmin şəxslərdən üçünün oğurluq etdiyi də müəyyən edilib.
Faktlarla bağlı araşdırma aparılır.
