Azərbaycanda demoqrafik vəziyyət açıqlanıb. 2021-ci ilin oktyabr ayının 1-də əhalinin sayı 10 147 380 nəfərə çatıb. Bu barədə noyabrın 15-də Dövlət Statistika Komitəsindən məlumat verilib.
Əhalinin 53%-ini şəhər, 47%-ini kənd sakinləri olmaqla, 49,9%-ini kişilər, 50,1%-ini isə qadınlar təşkil edir.
Cari ilin yanvar-sentyabr ayları ərzində 82 928 doğulan körpə qeydə alınıb.
Ölkədə nikah və boşanma hallarının sayı da məlum olub. Sözügedən dövr ərzində 41 067 nikaha daxilolma və 12 892 boşanma halları qeydə alınıb.
2020-ci ilin müvafiq dövrü ilə müqayisədə hər 1000 nəfərə düşən həm nikahların, həm də boşanmaların sayı artıb.
