Ölkənin hansı xəstəxanalarında orqan köçürülməsi həyata keçirilir?

Azərbaycanda donor orqanların götürülməsi, hazırlanması, saxlanması, daşınması, idxalı və ixracı 14 tibb müəssisəsində həyata keçirilir. Bu barədə yanvarın 7-də Report məlumat yayıb.

Həmin xəstəxanaların siyahısı:

1. Akademik Mirməmməd Cavadzadə adına Respublika Kliniki Uroloji Xəstəxanası - böyrəklər;


2. Dövlət Gömrük Komitəsinin Tibbi Xidmət İdarəsinin Mərkəzi Hospitalı - qaraciyər, mədəaltı vəzi və onun seqmentləri, böyrəklər, gözün buynuz qişası;


3. Dövlət Təhlükəsizliyi Xidmətinin Hərbi-tibb baş idarəsinin Hərbi Hospitalı - qaraciyər, böyrəklər, mədəaltı vəzi, nazik bağırsağın bir hissəsi;


4. Akademik Zərifə Əliyeva adına Milli Oftalmologiya Mərkəzi - gözün buynuz qişası;


5. Mərkəzi Neftçilər Xəstəxanası - qaraciyər, böyrəklər, mədəaltı vəzi və onun seqmentləri, nazik bağırsağın bir hissəsi, gözün buynuz qişası;


6. Mərkəzi Klinika MMC - böyrəklər, qaraciyər, ürək, ürək-ağciyər kompleksi, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi;


7. Respublika Müalicəvi Diaqnostika Mərkəzi - ürək, ağciyər (ürək-ağciyər kompleksi), qaraciyər, böyrəklər, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi;


8. Milli Hematologiya və Transfuziologiya Mərkəzi - sümük iliyi;


9. Tibb Universitetinin Tədris-Cərrahiyyə Klinikası - qaraciyər, böyrəklər;


10. Gəncə Müalicə Diaqnostika Mərkəzi - böyrəklər, qaraciyər, ürək, ürək-ağciyər kompleksi, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi;


11. Dünya Göz Azərbaycan - gözün buynuz qişası;


12. Bakı Sağlamlıq Mərkəzi - qaraciyər, ağciyər, böyrəklər;


13. Baku Medical Plaza - ağciyər;


14. Bona Dea Beynəlxalq Xəstəxanası - ürək, böyrəklər, qaraciyər, mədəaltı vəzi, nazik bağırsağın bir hissəsi, gözün buynuz qişası.