Ali Məhkəmədə qətldə təqsirləndirilən Günel Qasımovanın barəsində olan hökmdən verilən kassasiya şikayəti üzrə məhkəmə qərarı elan edilib. Bu barədə Report aprelin 7-də məlumat yayıb.
Onun kassasiya şikayəti təmin olunmayıb.
Ailəli olan G. Qasımova sevgilisi olduğu Ramiz Hüseynovu öldürməkdə təqsirli bilinib. Hadisə 2019-cu ilin oktyabr ayında Abşeron rayonunun Xırdalan şəhərində baş verib.
Onun barəsində Cinayət Məcəlləsinin “quldurluq, hədə-qorxu ilə tələbetmə, terrorçuluq və ya banditizmlə əlaqədar adamöldürmə” maddəsilə ittiham irəli sürülüb.
Bakı Ağır Cinayətlər Məhkəməsinin hökmü ilə G. Qasımova 10 il müddətinə azadlıqdan məhrum edilib.
