Azərbaycan millisinin futbolçusu Mahir Emreli hazırda çıxış etdiyi Polşanın “Legiya” klubunu məhkəməyə verib. Bu barədə yanvarın 10-da Report xarici mətbuata istinadən məlumat yayıb.
Məlumata görə, 25 yaşlı forvard klubdan maaşının qalan hissəsini ödəməsini və müqaviləyə xitam verilməsini tələb edir.
Qeyd edək ki, ötən ilin dekabrın 13-də Mahir Emreli və “Legiya”nın digər oyunçusu Lukinyas azarkeşlərin hücumuna məruz qalıb. Həmin gün “Legiya” Plotsk “Visla”sına 0:1 hesabı ilə uduzub. Nəticədən qəzəblənən fanatlar Varşava klubunun bazasına yollanıb və “Legiya”nın oyunçularına xəsarət yetiriblər.
