Azərbaycan Respublikası Mərkəzi Bankının yeni sədri Taleh Kazımov kollektivə təqdim edilib. Bu haqda 14 apreldə Report məlumat verib.
Çıxışı zamanı yeni sədr qarşıdakı fəaliyyətinin əsas istiqamətlərini açıqlayıb:
- ölkədə makroiqtisadi və maliyyə sabitliyinin qorunması;
- dayanıqlı iqtisadi inkişafı dəstəkləyən pul siyasətinin həyata keçirilməsi;
- maliyyə-bank sisteminin inkişafı;
- elektron ödəniş eko-sisteminin daha da gücləndirilməsi;
- nağd pul tədavülünün keyfiyyətinin davamlı yüksəldilməsi.
Qeyd edək ki, Taleh Kazımov Mərkəzi Bankın sədrliyinə dünən, aprelin 13-də Prezident İlham Əliyevin sərəncamı əsasında
təyin olunub. Daha öncə bu vəzifəni Elman Rüstəmov icra edirdi.
