Masallıda qardaşını öldürən şəxsin cinayət işinin ibtidai istintaqı tamamlanıb. Bu barədə aprelin 27-də Baş Prokurorluqdan məlumat verilib.
Hadisə cari ilin yanvar ayında baş verib. Ərkivan qəsəbə sakini Seyfulla Cəbiyev heç bir əsaslı səbəb olmadan qardaşı, 44 yaşlı Qalib Cəbiyevə yaşadıqları evdə yumruq və təpiklə zərbələr vuraraq onu öldürüb. Törətdiyi cinayətin izlərini itirmək üçün meyiti yaşadıqları evin həyətyanı sahəsində basdırıb.
Seyfulla Cəbiyevə “xuliqanlıq niyyəti ilə adam öldürmə” maddəsilə ittiham elan edilərək cinayət işi baxılması üçün Lənkəran Ağır Cinayətlər Məhkəməsinə göndərilib.
