"Bakı Metropoliteni" QSC maşinist peşəsi üzrə vakansiya elan edib. Bu barədə qurumun rəsmi səhifəsində məlumat yayılıb.
Seçimdə iştirak etmək istəyən namizədlər aşağıdakı tələblərə cavab verməlidir:
- yaşı 24-30 arasında olan kişi və qadınlar;
- ali texniki və orta texniki təhsilli, ilk peşə ixtisaslı;
- kişi namizədlər üçün hərbi bilet (yararlılıq kateqoriyası ilə).
Məntiq testi, müsahibə və psixoloji testlərdən uğurla keçən namizədlər tədris prosesinə qatılacaqlar. Tədris prosesi 6-7 ay davam edəcək, nəzəri və praktiki məşğələlərdən ibarət olacaq. Hər mərhələnin yekununda imtahanlar keçiriləcək.
İmtahana qatılmaq istəyənlər “Bakı Metropoliteni”nin saytında “Karyera və əməkdaşlıq” bölməsinə daxil olaraq, “Bizdə iş” bölməsində müraciət formasını doldurmalıdırlar.
Peşə kimi “maşinist” peşəsi mütləq qaydada göstərilməlidir. “Maşinist” qeydi olmayan ərizələr diqqətə alınmayacaq.
Elektron ərizələr 15 sentyabr 2021-ci il tarixindən 30 sentyabr 2021-ci il tarixinə qədər qəbul edilir.
