İmişlidə 11 yaşlı qızın zorlanmasında şübhəli bilinən şəxs saxlanılıb. Bu barədə noyabrın 1-də Baş prokuror Kamran Əliyev bildirib.
Faktla bağlı cinayət işi başlanılıb. Saxlanılan şəxsi 15 ilədək həbs cəzası gözləyir.
Oktyabrın 30-da İmişlidə 2010-cu il təvəllüdlü qız 31 həftəlik hamiləlik diaqnozu ilə xəstəxanaya yerləşdirilib. 11 yaşlı qız qeysəriyyə əməliyyatı ilə körpə dünyaya gətirib. Hazırda azyaşlı və onun körpəsi Dövlət Komitəsi tərəfindən nəzarətə götürülüb.
Baku TV-nin məlumatına görə, 11 yaşlı qız atalığı Qurban Fərəcov tərəfindən təcavüzə məruz qalıb. Hadisə ilə bağlı danışan uşağın nənəsi bildirib ki, qızın anası soğan yığmağa və çörək bişirməyə gedəndə, uşaq evdə tək olub və ögey atası bundan istifadə edib.
“Mənə dedi ki, heç kimə demə”, - bu sözləri 11 yaşlı qız Baku TV-nin reportajında deyib. Uşağın sözlərinə görə, ona dərman verilib, oyananda isə onun əynində paltarı olmayıb.
