İşğaldan azad olunan ərazilərimizin potensialından daha qısa zamanda istifadəyə başlanılması çox önəmlidir. Bu barədə millət vəkili Vüqar Bayramov 30 mart tarixində öz Facebook səhifəsində məlumat verib.
Onun sözlərinə görə, dünyada ərzaq bazarında qiymət artımları sürətlənib və artıq bir sıra ölkələr ərzaq qıtlığı problemi ilə rastlaşıb. Nəticədə əksər ölkələr preventiv addımlar atmağa başlayıb. Azərbaycanda da bir sıra ərzaq məhsullarının ixracı ilə bağlı müəyyən məhdudiyyətlər qoyulub.
O qeyd edib ki, 2025-ci ilədək dünya bazarında ərzağa tələbin artmaqda davam edəcəyi gözlənilir. Bu baxımdan da, xüsusən, strateji ərzaq məhsulların yerli istehsalının genişləndirilməsi və işğaldan azad olunan ərazilərimizin potensialından daha qısa zamanda istifadəyə başlanılması çox önəmlidir.
