Milli Məclisdə “Hərbi qulluqçuların statusu haqqında” qanun layihəsi hazırlanıb. Bu layihə Silahlı Qüvvələrin bütün növlərinə aiddir. Bunu deputat Tahir Kərimli parlamentin noyabrın 16-da keçirilən plenar iclasında deyib.
Qanun layihəsində döyüşlərdə iştirak edən hərbi qulluqçulara 2-3 qat artıq maaş verilməsi nəzərdə tutulub. Öz çıxışında deputat bildirib ki, hərbi qulluqçuların maaşı dövlət qulluqçularının maaşından az olmamalıdır.
Bundan əlavə, hərbçilərin ildə bir dəfə müalicə alması da bu qanunda əksini tapıb.
