Mingəçevir şəhər Məşğulluq Mərkəzinin direktoru Elçin Abdullayeva qarşı cinayət işinin ibtidai istintaqı tamamlanıb. Bu haqda dekabrın 13-də Baş Prokurorluğun rəsmi saytında məlumat verilib.
İstintaq nəticəsində məlum olub ki, Elçin Abdullayevin rəhberlik etdiyi mərkəzdə 17 nəfər işsiz vətəndaş üçün nəzərdə tutulmuş məhsulların alınması ilə bağlı heç bir tender və kotirovka keçirilməyib. Müvafiq rəsmi sənədlər saxtalaşdırılaraq faktiki olaraq 61 min manat dəyərində olan məhsullar 86 min manat dəyərində göstərilib. Beləliklə, dövlət büdcəsindən 25 min manat mənimsənilib.
Elçin Abdullayevə “mənimsəmə və ya israf etmə”, “vəzifə səlahiyyətlərindən sui-istifadə etmə” maddələri ilə ittiham elan edilib. Cinayət işi baxılması üçün Mingəçevir şəhər məhkəməsinə göndərilib.
