Mingəçevir Şəhər Mərkəzi Xəstəxanasında COVID-19 pasportu satan şəxslərə cinayət işi açılıb. Bu barədə oktyabın 27-də Şəhər Prokurorluğundan məlumat verilib.
Araşdırmalarla xəstəxananın vəzifəli şəxslərinin ayrı-ayrı vətəndaşlara vaksin vurulmadığı halda saxta sənədlərin verilməsinə əsaslı şübhələr müəyyən edilib.
Cinayət işi “vəzifə səlahiyyətlərindən sui-istifadə” və “vəzifə saxtakarlığı” maddələri ilə başlanılıb.
Hazırda istintaq davam etdirilir.
Bundan əvvəl, oktyabrın 23-də Lerik rayon sakini Bakıda saxta COVID-19 pasportları satdığına görə saxlanılıb. O, həmyerlilərinin guya vaksinasiya olunmaları barədə məlumatları “e-TƏBİB” elektron qeydiyyat sisteminə yerləşdirib.
