Şəmkirdə 16 noyabr tarixində baş verən yol qəzası nəticəsində iki nəfər qadın olmaqla üç nəfər həlak olub.
Belə ki, iki minik avtomobilləri Gədəbəy-Şəmkir avtomobil yolunun Qasımallar kəndindən keçən hissəsində toqquşub. Bayram Gözəlov, onun qızı, Aliyə Gözəlova və daha bir qadın dünyasını dəyişib. Ailənin digər üzvləri isə müxtəlif dərəcəli xəsarətlər alıb.
Faktla bağlı araşdırma aparılır.
DİN-in məlumatına əsasən, 2021-ci ilin 9 ayı ərzində paytaxtda 354 yol qəzası qeydə alınıb. Vəfat edənlərin sayı 145, yaralananların isə 284 təşkil edib.
