Külli miqdarda qızıl-zinət əşyalarını quldurluq yolu ilə ələ keçirən, əvvəllər məhkum olunmuş Kəlbəcər rayon sakini və onun ögey bacısı saxlanılıb. Bu barədə dekabrın 18-də DİN məlumat verib.
Daha öncə, 2021-ci ilin 26 noyabr tarixində saxlanılan şəxslər Gəncədəki Mərkəzi Univermaqdan onlayn yolla qızıl-zinət əşyalarının Şəmkirdə yaşadıqları kirayə mənzilə çatdırılmasını sifariş ediblər.
Sonra isə onlar evlərinə gələn satıcını bıçaqla ölümlə hədələyərək ondan ümumi dəyəri 1 050 manat olan 11 qızıl sikkə, dəyəri 3 300 manat olan qızıl üzük, 1 cüt sırğa, boyunbağı və 200 manat dəyərində mobil telefonunu quldurluq yolu ilə mənimsəyiblər. Onlar satıcıya ümumilikdə 15 064 manat dəyərində maddi ziyan vurublar.
Şübhəli bilinən şəxslər Bakıya gələrək əldə etdikləri əşyaları satıb nağd pula çeviriblər.
Faktla bağlı araşdırma davam edir.
