“Azərbaycan və Ermənistan xalqları üçün birgə yaşayışdan başqa gələcək yoxdur. Bu gün insanlar arasında etimadı bərpa etmək daha mühümdür”.
Bunu bugün, oktyabrın 13-də patriarx Kirill Azərbaycan, Ermənistan və Rusiya dini liderlərinin görüşündə bəyanatı səsləndirərkən deyib.
Moskvanın patriarxı iki xalqın Rusiya üçün qardaş olduqlarını vurğulayıb: “Bu problemləri müzakirə etmək məqsədilə üz-üzə gəlməyə hazır olduqlarına görə Azərbaycan və Ermənistan dini liderlərinə təşəkkür edirəm”.
***
13:04
Oktyabrın 13-də Moskvada Qafqaz Müsəlmanları İdarəsinin sədri Şeyxülislam Allahşükür Paşazadə, Moskva və bütün Rusiya Patriarxı Kirill və ermənilərin katolikosu II Qaregin arasında görüş baş tutub.
Görüş Rusiya tərəfinin təşəbbüsü ilə patriarx Danilovun iqamətgahında keçirilib. Patriarx Kirill bildirib ki, dini liderlərin görüşü regiondakı çoxsaylı məsələlərin həllinə böyük töhfə verəcək.
