Milli Qəhrəman Mübariz İbrahimovun atası Ağakərimov İbrahimovun ölüm faktı təsdiqlənib.
Tibbi Ərazi Bölmələrini İdarəetmə Birliyindən (TƏBİB) İnsanoid.com-un sorğusuna cavab olaraq bildirib ki, 16.10.2024-cü il tarixində saat 09:00 radələrində Ağakərim İbrahimov ağır vəziyyətdə Biləsuvar Rayon Mərkəzi Xəstəxanasına təcili tibbi yardım vasitəsilə hospitalizasiya olunub:
"Ona dəqiqləşdirilməmiş hipotenziya, miokard infarktı, kardiogen şok diaqnozu təyin edilib. Dərhal bütün zəruri reanimasiyon tədbirlər həyata keçirilib.
Göstərilən bütün tibbi yardımlara və həkimlərin çoxsaylı səylərinə baxmayaraq saat 11:35-də ölüm faktı qeydə alınıb".
Nəzrin Vahid
12:00
Milli Qəhrəman Mübariz İbrahimovun atası vəfat edib.
“Qafqazinfo” xəbər verir ki, şəhid atası bu gün infarkt keçirib və Biləsuvar Rayon Mərkəzi Xəstəxanasına çatdırılıb. Həkimlərin bütün səylərinə baxmayaraq, onun həyatını xilas etmək mümkün olmayıb.
Qeyd edək ki, A.İbrahimov bir neçə il bundan öncə açıq ürək əməliyyatı keçirmişdi.
