10 noyabr 2020-ci ildə imzalanan üçtərəfli bəyanatda nəzərdə tutulduğu kimi, Ermənistan silahlı qüvvələrin Rusiya sülhməramlı qüvvələrinin müvəqqəti yerləşdirildiyi Azərbaycan ərazisindən tam çıxarılması təmin edilməmişdir. Bu barədə 11 iyul tarixində Azərbaycan Respublikasının Müdafiə Nazirliyi açıqlama yayıb.
Nazirlik qeyd edir ki, Rusiyanın sülhməramlı qüvvələrinin müvəqqəti yerləşdirildiyi Azərbaycan ərazisində, Ermənistan tərəfi Muxtarkənd və Şuşakənd məntəqələrinin yaxınlığında, habelə Kəlbəcər və Laçın bölgələrinin inzibati sərhədlərinin şərqindəki ərazilərdə yeni postlar qurur ki, bu da 10 noyabr 2020-ci ildə imzalanan bəyanatın əsas müddəalarına ziddir.
Azərbaycan və Ermənistan arasında baş verən 44 günlük müharibə Rusiyanın vasitəçiliyi ilə imzalanan üçtərəfli razılaşma ilə başa çatmışdır. Razılaşmaya əsasən İrəvan əraziləri Azərbaycana qaytarmalı və qoşunlarını Dağlıq Qarabağdan çıxartmalı idi. Rusiyadan gələn sülhməramlılar qarşıdakı 5 il ərzində münaqişə zonasında qalacaqlar. Bu müddət, münaqişə tərəflərindən heç birinin etirazı olmadığı təqdirdə avtomatik olaraq daha beş il uzanacaq.
